Հաշվի առնելով միջազգային պրակտիկայում արդի մոտեցումները նոր տեխնոլոգիաների, նոր գազաբաշխիչ համակարգերի նախագծման ու շինարարության, գործող համակարգերի վերակառուցման ու զարգացման անհրաժեշտությունը՝ Կայուն Զարգացման Ներդրումային Հիմնադրամը Հայաստանի Հանրապետության քաղաքաշինության կոմիտեի կարիքների համար արդիականացրել է «Գազաբաշխիչ համակարգեր» շինարարական նորմերը:
«Գազաբաշխիչ համակարգեր» շինարարական նորմերն արդիականացվել են Հայաստանի Հանրապետությունում գործող օրենսդրության և ոլորտը կարգավորող փոխկապակցված այլ նորմատիվատեխնիկական փաստաթղթերի պահանջներին համապատասխան՝ դիտարկելով միջազգային փորձը, մասնավորապես, ԱՊՀ մասնակից պետությունների համագործակցության շրջանակներում գործող միջպետական, ԵԱՏՄ և Եվրամիության երկրների շինարարության ոլորտում գործող նորմատիվ փաստաթղթերի սկզբունքային պահանջներն ու դրանց կիրարկումն ապահովող ստանդարտները:
ՀՀՇՆ 42-01-2023 Գազաբաշխիչ համակարգեր շինարարական նորմերը կիրառելի են նոր, վերակառուցվող, վերականգնվող, վերազինվող, արդիականացվող գազաբաշխման համակարգերի նախագծման ու կառուցման համար՝ սպառողներին բնական և հեղուկացված ածխաջրածնային գազամատակարարում ապահովելու նպատակով: Նորմերը կիրառելի են նաև արտաքին, ներքին և գազասպառման համակարգերի գազատարների, գազակարգավորիչ կետերի և կայանքների, հեղուկացված ածխաջրածնային գազերի գազամբարային և բալոնային կայանքների, հեղուկացված ածխաջրածնային գազերի գազալցման կայանների/կետերի (ԳԼԿ) նախագծման և կառուցման գործընթացներում, սահմանում են պահանջներ դրանց անվտանգության, շահագործման (սպասարկման) նկատմամբ, ենթակա են պարտադիր կատարման քաղաքաշինական գործունեության սուբյեկտների կողմից:
ՀՀՇՆ 42-01-2023 «Գազաբաշխիչ համակարգեր» Հայաստանի Հանրապետության շինարարական նորմերը հաստատվել են ՀՀ քաղաքաշինության կոմիտե նախագահի 2023 թվականի դեկտեմբերի 4-ի թիվ 14-Ն հրամանով:
