ՀՈՂԵՐԻ ՀԱՄԱՊԱՐՓԱԿ ԿԱՌԱՎԱՐՄԱՆ ԵՎ ԱՐՈՏԱՎԱՅՐԵՐԻ ԿԱՌԱՎԱՐՄԱՆ ՊԼԱՆՆԵՐԻ ՆԵՐԿԱՅԱՑՈՒՄ ԼՈՌՈՒ ԵՎ ՍՅՈՒՆԻՔԻ ՄԱՐԶԵՐՈՒՄ
Ծրագրի նպատակներից է հողերի կայուն կառավարումը, իսկ Ծրագիրը հանդիսանում է ՄԱԿ-ի Պարենի և գյուղատնտեսության կազմակերպության ֆինանսավորմամբ ՀՀ շրջակա միջավայրի նախարարության Բնապահպանական ծրագրերի իրականացման գրասենյակ պետական հիմնարկի կողմից իրականացվող «Հայաստանում հողերի դեգրադացման կանխման հանձնառությունների/ պարտականությունների իրականացումը` դեգրադացված մարգագետինների կայուն կառավարման և վերականգնման միջոցով» դրամաշնորհային ծրագրի մաս։
Ծրագրի շրջանակներում Կայուն Զարգացման Ներդրումային Հիմնադրամը 2025 թվականի մարտի 10-ից ապրիլի 1-ն ընկած ժամանակահատվածում Սյունիքի մարզի Սիսիան համայնքի Սպանդարյան, Սառնակունք, Ծղուկ, Գորայք և Լոռու մարզի Թումանյան համայնքի Ահնիձոր, Լորուտ, Աթան, Շամուտ, Քարինջ, Մարց, Դսեղ, Չկալով բնակավայրերում իրականացրեց քննարկումներ, ինչպես նաև բնակավայրերի շահառուներին ներկայացվեց «Արոտների կառավարում և անասնապահության զարգացում» պլանները, շուկայավարում, ինչպես նաև գյուղատնտեսության ոլորտում պետության կողմից աջակցության ծրագրերը:
Այդ ժամանակահատվածում Սյունիքի և Լոռու մարզպետարանների և համայնքապետարանների աշխատակազմերին ներկայացվեց «Հողերի համապարփակ կառավարում» պլանները:
Ընդհանուր առմամբ քննարկումներին մասնակցել են շուրջ 300 շահառու:
Վերը նշված պլանների ներկայացումն իրականացվել է Կայուն Զարգացման Ներդրումային Հիմնադրամի կողմից ընդգրկված գյուղատնտեսության ոլորտում բազմամյա փորձ ունեցող փորձագետներ Ռոբերտ Մակարյանը և Սոնա Ծառուկյանը:
