«Երևանի ՋԷԿ» ՓԲԸ անշարժ աղբյուրից մթնոլորտ արտանետելու չափաքանակների թույլատվության հաշվարկ

Կայուն զարգացման ներդրումային հիմնադրամը 2021 թվականին «Երևանի Ջերմաէլեկտրակենտրոն» ՓԲԸ-ի կարիքների համար իրականացրել է «Երևանի ՋԷԿ» ՓԲԸ անշարժ աղբյուրից մթնոլորտ արտանետելու չափաքանակների թույլատվության հաշվարկ (սահմանային թույլատրելի արտանետումներ) նախագծի մշակման աշխատանքները, որի շրջանակներում մեր մասնագետները ներկայացրել են․

«Երևանի ՋԷԿ» համակցված շոգեգազային ցիկլով (ՀՇԳՑ) Էներգաբլոկի 2020 թվականի GT13E2 գազատուրբինային տեղակայանքի կոմպրեսորի UPFLOW արդիականացումից հետո սահմանային թույլատրելի արտանետումների նորմերի նախագիծը» որն իր մեջ ներառում է․

•  Կազմակերպության բնութագիր՝ որպես մթնոլորտ աղտոտող աղբյուր:
•  Մթնոլորտ արտանետվող աղտոտող նյութերի ցանկը:
•  Արտանետվող վնասակար նյութերի բնութագիրն ու քանակը:
•  ՍԹԱ հաշվարկի համար անհրաժեշտ նախնական տվյալները:
•  Մթնոլորտն աղտոտող վնասակար նյութերի արտանետումների նորմատիվները:
•  Կազմակերպական-տեխնիկական միջոցառումներ անբարենպաստ կլիմայական պայմանների ժամանակ:
•  Արտանետումների վերահսկման և սահմանային թույլատրելի արտանետումներ (ՍԹԱ) կատարման նպատակով նախատեսվող և իրականացվող միջոցառումներ:

Նախագիծը հաստատվել է ՀՀ շրջակա միջավայրի նախարարության կողմից։