Կայուն Զարգացման Ներդրումային Հիմնադրամը «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի և բնապահպանական ոլորտի այլ իրավական ակտերի համաձայն մշակել է ՀՀ Տավուշի մարզի Դիլիջան համայնքի Գոշ բնակավայրում խմելու ջրագծերի հիմնանորոգման և ջրաչափերի տեղադրման աշխատանքների Շրջակա միջավայրի վրա ազդեցության գնահատման հաշվետվությունը, և սահմնաված կարգով ստացել շրջակա միջավայրի վրա ազդեցության փորձաքննական դրական եզրակացություն: Շրջակա միջավայրի վրա ազդեցության գնահատման հաշվետվությունը ներառում է նախատեսվող գործունեությունների նկարագրերը, պահանջվող հաշվարկները, տեխնիկական և տեխնոլոգիական լուծումները, հնարավոր ազդեցության գնահատումները, մեղմացվող միջոցառումները և օրենսդրությամբ սահմանված այլ բաժինները:
Նախատեսվող գործունեությունները համաձայն “Շրջակա միջավայրի վրա ազդեցության գնահատման և փորձաքննության մասին” ՀՀ օրենքի դասակարգվում է «Բ» կատեգորիայի, քանի որ ըստ նախագծի Ծրագրերի տարածքներն առնչվում են «Դիլիջան ազգային պարկ» ՊՈԱԿ-ի տարածքների հետ: Նախագծի համար իրականացվել է 2 հանրային լսումներ:
Ծրագրերի իրականացումը խթան կհանդիսանա Գոշ բնակավայրի բնակիչներին պահանջվող քանակի և որակի խմելու ջրով ապահովվմանը, բնակավայրերի կենսամակարդակի բարելավման, կնպաստի ջրօգտագործման համակարգերի արդիականացմանը, ջրային ռեսուրսի կայուն և արդյունավետ օգտագործմանը: Ըստ նախագծային լուծումների նախատեսվող գործունեությունները բնական միջավայրի փոփոխություն չեն ենթադրում:
