Կայուն Զարգաման Ներդրումային Հիմնադրամը մշակել է Հայաստանի Հանրապետության գործող էլեկտրակայանների կողմից ջերմոցային գազերի արտանետումների ընդհանուր գործակիցը (տ CO 2համ /կՎտժ) 2022-2024 թվականների համար, որը կօգտագործվի որպես ստանդարտացված ելակետ՝ ջերմոցային գազերի արտանետումների վրա էներգաարդյունավետության և վերականգնվող էներգիայի նախագծերի/չափումների ազդեցության հաշվարկման
համար: Ցանցային արտանետումների գործակիցը ներկայացնում է CO₂ արտանետումները, որոնք կապված են էլեկտրաէներգետիկական համակարգում 1 կՎտժ էլեկտրաէներգիայի արտադրության հետ:
Կայուն Զարգաման Ներդրումային Հիմնադրամի ոլորտային թիմն աշխատանքի շրջանակներում գնահատել է Հայաստանի էներգետիկ համակարգի, Ցանցային արտանետումների գործակիցը և հաշվարկները կատարվել է ՄԱԿ-ի
կլիմայի փոփոխության մասին շրջանակային կոնվենցիայի (UNFCCC) Կիոտոյի Արձանագրության Մաքուր Զարգացման Մեխանիզմի (ՄԶՄ, CDM) Գործադիր խորհրդի կողմից հաստատված «Էլեկտրաէներգետիկ համակարգի համար
արտանետումների գործակիցը հաշվարկելու գործիք» ուղեցույցի վերջին տարբերակի համաձայն:
2024 թվականին Հայաստանի համար ցանցային արտանետման ստանդարտացված գործակիցը գնահատվում է
0,3577 տ/ՄՎտժ համակցված մարժայի սկզբունքով (կիրառելի է ծրագրերի տեսակների մեծ մասի համար): Քամու և արևային ծրագրերի համար կարելի է օգտագործել մի փոքր ավելի բարձր CM՝ 0,3865 tCO₂/ՄՎտժ։
Հայաստանի էլեկտրաէներգետիկական համակարգի ջերմոցային գազերի ցանցային արտանետումների ստանդարտացված գործակցի հաշվարկը մշակվել է ՀՀ շրջակա միջավայրի նախարարության «Բնապահպանական ծրագրերի իրականացման գրասենյակը» պետական հիմնարկի պատվերով՝ «Շենքերի էներգաարդյունավետ
արդիականացմանն ուղղված ներդրումների ռիսկերի նվազեցում» ՄԱԶԾ-ԿԿՀ/00101711 ծրագրի «Շենքերի ոլորտում ՉՀՀ համակարգի ստեղծում և գիտելիքների կառավարում» Բաղադրիչ 1-ի շրջանակներում:
