«ՀՀ փոքր ՀԷԿ-երի սարքվածքին և սարքավորումներին ներկայացվող տեխնիկական պահանջներ» նորմատիվ փաստաթղթի նախագծի մշակման գիտատեխնիկական աշխատանք
Կայուն Զարգացման Ներդրումային Հիմնադրամը ուսումնասիրությունների և վերլուծությունների հիման վրա և միջազգային փորձի կիրառմամբ իրականացրել է.
- ՀՀ օրենսդրական դաշտի (էներգետիկայի բնագավառի և դրան առնչվող ոլորտների ՀՀ օրենքների, ենթաօրենսդրական ակտերի, նորմատիվ տեխնիկական և այլ փաստաթղթերի) ուսումնասիրություն և վերլուծություն:
- Միջազգային առաջավոր փորձի ուսումնասիրություն, վերլուծություն։
- Կատարված վերլուծությունների հիման վրա նոր կառուցվող ՓՀԷԿ-երի՝
- նախագծման փուլում սարքավորումներին և սարքավորումների համալիրներին, հիդրոտեխնիկական կառույցներին, բնապահպանական և այլ հարցերին ներկայացվող պահանջների դրույթների նախագծի մշակում:
- շահագործման փուլում արտադրվելիք էլեկտրաէներգիայի որակի ցուցանիշներին առնչվող պահանջների, շահագործման և ցանցից դուրս բերման պայմանների ընթացակերգերի ու ձևաչափերի մշակում,
- կայանների սարքավորումների՝ շուկայում շրջանառության պայմանների ու պահանջների սահմանում:
- Մշակված փաստաթղթերի նախագծի ներկայացում:
Տվյալ փաստաթղթի մշակումը լուծում է այնպիսի տեխնիկական կարգավորում պահանջող հարցեր և խնդիրներ ինչպեսիք են օրինակ, նախագծման, կառուցման, շահագործման, վերակառուցման, վերականգնման փուլում ՓՀԷԿ-երի սարքավորումների ընտրությունը, կայանների անվտանգության ապահովումը, ինչպես նաև ՓՀԷԿ-երի ռեսուրսաօգտագործման և սարքավորումների ՕԳ գործողությունը:
