Կայուն Զարգացման Ներդրումային Հիմնադրամի գլխավոր տնօրենը և Չինաստանի մեքենաշինական կորպորացիայի Աբու-Դաբիի մասնաճյուղի գլխավոր տնօրենը աշխատանքային հանդիպման են հրավիրվել ՀՀ ՏԿԵՆ
Կայուն Զարգացման Ներդրումային Հիմնադրամի գլխավոր տնօրեն Հայկ Բադալյանը և Չինաստանի մեքենաշինական կորպորացիայի Աբու-Դաբիի մասնաճյուղի գլխավոր տնօրեն Ժանգ Շուայը հանդիպում են ունեցել ՀՀ Տարածքային կառավարման և ենթակառուցվածքների նախարարի տեղակալ Վաչե Տերտերյանի հետ:
Վաչե Տերտերյանը, ողջունելով հյուրերին, ներկայացրել է մի քանի ոլորտներում առաջնահերթ կարևորություն ունեցող ուղությունները:
Նախարարի տեղակալը խոսել է թափոնների մշակման, ջրամբարաշինության, ճանապարհաշինության, էներգետիկ և տրանսպորտային ենթակառուցվածքների զարգացման ուղղությունների մասին:
Ժանգ Շաուայը կարևոր է համարել նշված ոլորտներում ծրագրերի հանգամանալից ուսումնասիրումը, քանի որ չինական ընկերությունը ցանկություն ունի Հայաստանում ներկայանալ ոչ թե դուստր ընկերություններով, այլ ավելի խոշոր մասշտաբներով, որը իր հերթին բերելու է նոր և խոշոր ներդրումների:
Կայուն Զարգացման Ներդրումային Հիմնադրամի գլխավոր տնօրեն Հայկ Բադալյանը իր կողմից պատրաստակամություն հայտնեց հետաքրքրություն առաջացրած ոլորտներում սահմանված կարգով տրամադրել իր աջակցությունը:
Հանդիպման ավարտին պայմանավորվածություն է ձեռք բերվել ունենալ կոնկրետ ոլորտային հանդիպումներ՝ մասնավորապես ջրամբարաշինության և էներգետիկայի ոլորտի պատասխանատուների հետ:
