«Լավագույն փորձի ընդլայնման համար ռեսուրսների մոբիլիզացման 3 պլանների մշակման, Լոռու և Սյունիքի մարզերի շահագրգիռ կողմերին հողերի համապարփակ կառավարման և արոտավայրերի կառավարման պլանների ներկայացում» Ծրագրի շրջանակներում դեկտեմբերի 6-ին Կայուն Զարգացման Ներդրումային Հիմնադրամի ֆինանսական տնօրեն Արա Հովհաննիսյանը և ծրագրի խորհրդատուներ Ռուբեն Սարուխանյանն ու Արթուր Գոմկցյանը մի շարք հանդիպումներ ունեցան Լոռու մարզում:
Լոռու մարզպետի աշխատակազմում քննարկումներ տեղի ունեցան Լոռու մարզպետի տեղակալ Գոռ Ասրյանի և աշխատակազմի ոլորտային պատասխանատու պաշտոնյաների հետ:
Հանդիպումների ընթացքում Կայուն Զարգացման Ներդրումային Հիմնադրամի ներկայացուցիչները մանրամասն ներկայացրել են Լոռու մարզում, մասնավորապես Թումանյան համայնքում նախատեսվող աշխատանքները, քննարկվել են համագործակցության հնարավորությունները։ Մարզպետի տեղակալին, Թումանյան համայնքի ղեկավարին տեղեկացվել է առաջիկա ամիսների ընթացքում նախատեսվող գործողությունների մասին:
Լոռու մարզում հանդիպումներ են տեղի ունեցել նաև Թումանյան համայնք ղեկավարի և տարբեր բնակավայրերի վարչական շրջանների ղեկավարների հետ:
«Լավագույն փորձի ընդլայնման համար ռեսուրսների մոբիլիզացման 3 պլանների մշակման, Լոռու և Սյունիքի մարզերի շահագրգիռ կողմերին հողերի համապարփակ կառավարման և արոտավայրերի կառավարման պլանների ներկայացման ծառայություններներ» ծրագիրը, որը հանդիսանում է ՄԱԿ-ի Պարենի և գյուղատնտեսության կազմակերպության ֆինանսավորմամբ ՀՀ շրջակա միջավայրի նախարարության Բնապահպանական ծրագրերի իրականացման գրասենյակ պետական հիմնարկի կողմից իրականացվող «Հայաստանում հողերի դեգրադացման կանխման հանձնառությունների/պարտականությունների իրականացումը` դեգրադացված մարգագետինների կայուն կառավարման և վերականգնման միջոցով» դրամաշնորհային ծրագրի մաս։
Ծրագրի նպատակն է աջակցել Հայաստանի հողերի դեգրադացիայի չեզոքացման նպատակների իրագործմանն ուղղված ազգային
ջանքերին՝ հողային ռեսուրսների կայուն կառավարման և դեգրադացված լանդշաֆտների վերականգնման միջոցով:
