Կայուն Զարգացման Ներդրումային Հիմնադրամը Հայաստանի Հանրապետության քաղաքաշինության կոմիտեի կարիքների համար լավագույն միջազգային փորձին համահունչ մշակել է «Քաղաքաշինության բնագավառում քաղաքաշինական գործունեության տեսակներին համապատասխան քաղաքաշինական գործունեության օբյեկտներում իրականացվող աշխատանքների և ծառայությունների մատուցման գործելակարգեր և պատասխանատու մասնագետների մասնագիտական բնութագրեր» Հայաստանի Հանրապետության շինարարական նորմերը (այսուհետ՝ Նորմերը):
Նորմերի մշակման համար իրավական և բովանդակային հիմք են հանդիսացել «Քաղաքաշինության մասին», «Նորմատիվ ակտերի մասին» և «Լիցենզավորման մասին» օրենքները, Հայաստանի Հանրապետության կառավարության 2023 թվականի նոյեմբերի 30-ի N 2106-Ն, 2023 թվականի նոյեմբերի 23-ի N 2024-Ն, 2021 թվականի ապրիլի 15-ի N 600-Ն, 2011 թվականի դեկտեմբերի 29-ի N 1920-Ն որոշումները, Հայաստանի Հանրապետության քաղաքաշինության նախարարի 2014 թվականի մարտի 3-ի N 65-Ն հրամանը։
Նորմերի մշակման նպատակը քաղաքաշինության բնագավառում իրականացվող աշխատանքների որակի և անվտանգության ապահովումն է, ինչպես նաև Հայաստանի Հանրապետության քաղաքաշինության բնագավառում գործունեություն իրականացնող լիցենզավորված կամ հավաստագրված սուբյեկտների գործելակարգի և բնութագրերի պարզաբանումը։
Նորմերը սահմանում են քաղաքաշինության բնագավառում քաղաքաշինական գործունեության տեսակներին համապատասխան քաղաքաշինական օբյեկտներում իրականացվող աշխատանքների և ծառայությունների մատուցման գործելակարգերը և պատասխանատու մասնագետների մասնագիտական բնութագրերը։
ՀՀՇՆ 13-04-2025 «Քաղաքաշինության բնագավառում քաղաքաշինական գործունեության տեսակներին համապատասխան քաղաքաշինական գործունեության օբյեկտներում իրականացվող աշխատանքների և ծառայությունների մատուցման գործելակարգեր և պատասխանատու մասնագետների մասնագիտական բնութագրեր» Հայաստանի Հանրապետության շինարարական նորմերը հաստատվել են Հայաստանի Հանրապետության քաղաքաշինության կոմիտեի նախագահի 2025 թվականի փետրվարի 10-ի N 05-Ն հրամանով:
