Ռեսուրսարդյունավետ և Մաքուր Արտադրության շահառուների խմբի համդիպում
Կայուն Զարգացման Ներդրումային Հիմնադրամի բնապահպանական ծրագրերի ղեկավար Վահան Դավթյանը հունիսի 28- մասնակցել է «ԵՄ-ն հանուն շրջակա միջավայրի» Ռեսուրսների Արդյունավետություն և Մաքուր Արտադրություն (ՌԱՄԱ) ծրագրի շահառուների հանդիպմանը, որն իրականացվում է ՄԱԿ-ի արդյունաբերական զարգացման կազմակերպության և Կովկասի Տարածաշրջանային Բնապահպանական Կենտրոնի հայաստանյան գրասենյակի (ԿՏԲԿ) կողմից:
Հանդիպման հիմնական թեման էր.
- Հայաստանի հասարակության շրջանում՝ նաև բիզնես հատվածում, ռեսուրսների արդյունավետության և ավելի մաքուր արտադրության օգուտների խթանում:
- Հայաստանում «ԵՄ-ն հանուն շրջակա միջավայրի» ծրագրի «Շրջանաձև տնտեսություն և աճի նոր հնարավորություններ» բաղադրիչի վերաբերյալ իրազեկվածության բարձրացում:
- 2020 թվականից ի վեր Հայաստանում ՌԱՄԱ-ի գործունեության իրականացման ձեռքբերումների և ծրագրերի քննարկում:
- Հայաստանում Շրջանաձև տնտեսության ներդրման նոր հնարավորությունների ուսումնասիրում:
Հանդիպմանը ներկա են եղել շուրջ 20 մասնակիցներ՝ ՌԱՄԱ շահագրգիռ կողմերի խմբի անդամներ ՀՀ կառավարությունից, գործարար հատվածից և քաղաքացիական հասարակությունից, մասնավորապես՝ շրջակա միջավայրի և էկոնոմիկայի նախարարություններ, Հայաստանում ԵՄ պատվիրակութուն, «ԵՄ-ն հանուն շրջակա միջավայրի» ծրագրի ազգային և միջազգային գործընկերներ, ներառյալ UNIDO-ն, և երկրի այլ ոլորտային կազմակերպությունների և ծրագրերի ներկայացուցիչներ:
Հանդիպմանը ներկայացվել են ՌԱՄԱ ակումբների դերը, ընդլայնումը, առաջընթացի ուղին, Հայաստանում «կանաչ» կազմակերպությունների մոնիթորինգի արդյունքները։
Ելույթներին զուգահեռ բոլոր կողմերի ներգրավմամբ ծավալվել է լայն քննարկում, որի շրջանակներում Վ. Դավթյանը առաջարկել է Ռեսուրսարդյունավետ և Մաքուր Արտադրության խորագրի ներքո սննդի արտադրություններում ներդնել «Սննդի անվտանգության կառավարման համակարգ» ISO 22000:2018 ստանդարտը: Դավթյանը նշել է նաև, որ Կայուն Զարգացման Ներդրումային Հիմնադրամը պատրաստակամ է աջակցելու այս գործընթացին:
