Կայուն Զարգացման Ներդրումային Հիմնադրամը 2025թ.-ին մի շարք համայնքներում իրականացրել է շինարարության որակի տեխնիկական հսկողության աշխատանքներ՝ ներքին և արտաքին ցանցերի, էլեկտրամատակարարման համակարգերի, ֆոտովոլտային կայանների, ինչպես նաև գազամատակարարման և գազասպառման ոլորտում:
Մասնավորապես իրականացվել են հետևյալ տեխնիկական հսկողության աշխատանքները՝
- Գեղարքունիքի մարզի Ճամբարակ համայնքի Աղբերք գյուղի 20-րդ փողոց, 71 հասցեում 5ՄՎտ արևային կայանի կառուցման,
- Վայոց Ձորի մարզի Եղեգնաձոր քաղաքի, Խանջյան, Իսակով Սյունիքի,Կամոյի, Չալաբյան, Մշեցու, Թամանցիներ և Չարենցի փողոցների, ինչպես նաև Մալիշկա բնակավայրի ներհամայնքային փողոցների լուսավորության ցանցի կառուցման,
- Գեղարքունիքի մարզի Սևան համայնքի Զովաբեր գյուղի 5ՄՎտ, և Լճաշեն գյուղի 3ՄՎտ արևային կայանի կառուցման,
- ք. Երևան Շարուրի 37/32 տանիքի վրա 0,5ՄՎտ հզորությամբ արևային ֆոտովոլտային կայանի կառուցման,
- Սյունիքի մարզի Կապան քաղաքի վերգետնյա գազատարների ստորգետնյա տարբերակով վերատեղադրման աշխատանքների:
Կայուն Զարգացման Ներդրումային Հիմնադրամի մասնագիտական խումբը տեխնիկական հսկողության աշխատանքների ընթացքում առաջնորդվել է ՀՀ օրենսդրությամբ, շինարարության ընթացքում ապահովել է նախագծով նախատեսված աշխատանքների կատարումը, ինչպես նաև նորմատիվատեխնիկական կանոնների պահպանումը:
Շինարարության որակի տեխնիկական հսկողության իրականացման համար Կայուն Զարգացման Ներդրումային Հիմնադրամը ունի ՀՀ Քաղաքաշինության Կոմիտեի կողմից տրամադրված 1-ին դասի լիցեզիա:
