Հարգելի՛ հայրենակիցներ
Շնորհավորում եմ բոլորիդ Ամանորի և Սուրբ Ծննդյան տոների առթիվ:
Մաղթում եմ խաղաղություն և բարեկեցություն մեր երկրին, սեր և ջերմություն բոլորիդ ընտանիքներին: Թող յուրաքանչյուրիդ տանը միշտ երջանկության, հոգատարության և փոխըմբռնման մթնոլորտ տիրի և մեր օջախներում ձեռքբերումների և առաջընթացի բազում առիթներ ունենանք:
Մենք բոլորս ունենք մեկ ընդհանուր ցանկություն` տեսնել մեր պետությունը հզոր, խաղաղ և բարեկեցիկ, մեր ժողովրդին՝ երջանիկ: Եվ այդ ընդհանուր ցանկությունը մեզ պետք է մղի համախմբելու մեր ջանքերը, գործելու որպես ազգ և պետություն: Մեզնից է կախված, թե ինչպիսին կլինեն վաղվա օրը, գալիք տարին: Մաղթում եմ, որ բոլորս հավատանք ու վստահ լինենք մեր ուժերին, լիարժեք և արժանապատվորեն օգտագործենք մեր հնարավորություններն ու ներուժը, որպեսզի ապագան լինի ավելի անվտանգ, ավելի ապահով և բարեկեցիկ: Բոլորիդ ցանկանում եմ խաղաղություն եւ առողջություն: Թող գալիք տարին ավելի ամրապնդի ու ջերմացնի ձեր ընտանեկան մթնոլորտը, լավատեսությամբ լցնի բոլորիդ հոգիները: Թող իրական երջանկությունը և հաջողությունը հասանելի լինեն բոլորիդ: Թող Աստված պահապան լինի մեր երկրին, հայրենիքի մեր քաջարի պաշտպաններին և ողջ ժողովրդին:
Շնորհավո՛ ր Ամանոր և Սուրբ Ծնունդ
Հարգանքով՝ Կայուն Զարգացման Ներդրումային Հիմնադրամի
Գլխավոր Տնօրեն՝ Հայկ Բադակյան
