«Լավագույն փորձի ընդլայնման համար ռեսուրսների մոբիլիզացման 3 պլանների մշակման, Լոռու և Սյունիքի մարզերի շահագրգիռ կողմերին հողերի համապարփակ կառավարման և արոտավայրերի կառավարման պլանների ներկայացում» Ծրագրի շրջանակներում դեկտեմբերի 9-ին Կայուն Զարգացման Ներդրումային Հիմնադրամի գլխավոր տնօրենի տեղակալ Վահան Դավթյանը և ծրագրի խորհրդատուներ Ռուբեն Սարուխանյանն ու Արթուր Գոմկցյանը մի շարք հանդիպումներ ունեցան Սյունիքի մարզում:
Սյունիքի մարզպետի աշխատակազմում քննարկումներ տեղի ունեցան Սյունիքի մարզպետի տեղակալ Նարե Ղազարյանի, խորհդական Կարեն Բալյանի, մարզպետի աշխատակազմի՝ գյուղատնտեսության, առողջապահության, զարգացման ծրագրերի ոլորտների պատասխանատուների հետ: Սիսիանի համայնքապետարանում հանդիպում տեղի ունեցավ Սիսիանի համայնքի ղեկավար Հովսեփ Առաքելյանի, աշխատակազմի քարտուղար Կարեն Իվանյանի և գյուղատնտեսության և բնապահպանության բաժնի պետ Արմեն Խաչատրյանի հետ: Հանդիպումներ տեղի են ունեցել նաև տարբեր բնակավայրերի վարչական շրջանների ղեկավարների հետ:
Հանդիպումների ընթացքում Կայուն Զարգացման Ներդրումային Հիմնադրամի ներկայացուցիչները մանրամասն ներկայացրել են Սյունիքի մարզում, մասնավորապես Սիսիան համայնքում նախատեսվող աշխատանքները, քննարկվել են համագործակցության հնարավորությունները։ Մասնավորապես, մարզպետի տեղակալին, Սիսիանի համայնքի ղեկավարին և համապատասխան ստորաբաժանումների ներկայացուցիչներին տեղեկացվել է, որ առաջիկա ամիսների ընթացքում նախատեսվում է իրականացնել հետևյալ գործողությունները՝
ա/ Սյունիքի մարզի Սիսիան համայնքի Գորայք, Ծղուկ, Սառնակունք և Սպանդարյան բնակավայրերի հողերի համապարփակ կառավարման պլանների ներկայացում համայնքապետարանի և վարչական միավորների աշխատակազմերին ու շահագրգիռ այլ կողմերին,
բ/ նշված բնակավայրերի «Արոտավայրերի կառավարում և անասնապահության զարգացում» պլանների իրականացման վերաբերյալ դասընթացների անցկացում բնակավայրերի ֆերմերների և շահագրգիռ այլ կողմերի համար,
գ/ Մարզային մակարդակում հողերի դեգրադացման չեզոքացմանը հասնելու և հողերի կայուն կառավարման ընդլայնման համար ֆինանսավորման հնարավոր աղբյուրների ռեսուրսների մոբիլիզացման պլանների ներկայացում և քննարկում մարզի, համայնքների, բնակավայրերի աշխատակազմերի և այլ շահագրգիռ կառույցների հետ։
«Լավագույն փորձի ընդլայնման համար ռեսուրսների մոբիլիզացման 3 պլանների մշակման, Լոռու և Սյունիքի մարզերի շահագրգիռ կողմերին հողերի համապարփակ կառավարման և արոտավայրերի կառավարման պլանների ներկայացման ծառայություններներ» ծրագիրը, որը հանդիսանում է ՄԱԿ-ի Պարենի և գյուղատնտեսության կազմակերպության ֆինանսավորմամբ ՀՀ շրջակա միջավայրի նախարարության Բնապահպանական ծրագրերի իրականացման գրասենյակ պետական հիմնարկի կողմից իրականացվող «Հայաստանում հողերի դեգրադացման կանխման հանձնառությունների/պարտականությունների իրականացումը` դեգրադացված մարգագետինների կայուն կառավարման և վերականգնման միջոցով» դրամաշնորհային ծրագրի մաս։
