«Կայուն Զարգացման Ներդրումային Հիմնադրամ»-ը հաշվի առնելով Բերդ խոշորացված համայնքում էներգետիկ դիմադրողականության և կայունության բարձրացման ռազմավարական կարևորությունը, մասնավորապես՝ դրա սահմանային դիրքը և ենթակառուցվածքների խոցելիությունը՝ ՀՀ Տավուշի մարզի Բերդի համայնքապետարանի հետ ստորագրեցին փոխըմբռնման հուշագիր:
Նախաձեռնության նպատակն է իրականացնել ինտեգրված փորձնական ծրագիր, որը կհամատեղի էներգաարդյունավետության (ԷԱ), արևային ֆոտովոլտային (ՖՎ) համակարգերը և կուտակիչ էլեկտրական համակարգերը (ԿԷՀ), ինչպես նաև ինստիտուցիոնալ ամրապնդումը և համայնքի իրազեկվածությունը։
Փոխըմբռնման հուշագրի համագործակցության շրջանակն է՝
- Ընտրված հանրային շենքի նույնականացումը և տեխնիկական նախապատրաստումը փորձնական
միջամտության համար. - Ինտեգրված էներգետիկ աուդիտի և տեխնիկական նախագծման անցկացումը.
- Համապարփակ ԷԱ-ՖՎ- ԿԷՀ լուծման մշակումը.
- Ինստիտուցիոնալ հզորացումը, ներառյալ քաղաքային էներգետիկայի մենեջերի ինստիտուտի ստեղծում/նշանակումը, համապատասխան մասնագետի ուսուցանումը.
- Համայնքի իրազեկվածության բարձրացումը և տարածման միջոցառումները:
