ՀՀ բնության հատուկ պահպանվող տարածքներին հարակից էկոհամակարգերի և համայնքների հարմարվողականության կարողությունների ամրապնդում» ծրագրի միջնաժամկետ և ավարտական գնահատում
Կայուն Զարգացման Ներդրումային Հիմնադրամը 2023 թվականի փետրվարից մինչև սեպտեմբեր ամիս ընկած ժամանակահատվածում իրականացրել է «ՀՀ բնության հատուկ պահպանվող տարածքներին հարակից էկոհամակարգերի և համայնքների հարմարվողականության կարողությունների ամրապնդում» Ծրագրի միջնաժամկետ և ավարտական գնահատումը:
Ծրագիրը մեկնարկվել է 2019 թվականից, որի ընդհանուր նպատակն էր գյուղատնտեսության ոլորտի հարմարվողականության ամրապնդման և կլիմայի փոփոխության նկատմամբ հարմարմարվողականության բարձրացման նպատակով կլիմայական ռիսկերի նկատմամբ «Խոսրովի անտառ» պետական արգելոցի և «Դիլիջան» ազգային պարկի հարակից տեղական համայնքների խոցելիությունը նվազեցումը` ինստիտուցիոնալ և պլանավորման կարողությունների հզորացման միջոցով: Ծրագիրը ֆինասավորվել է «Կլիմայի փոփոխության մասին» ՄԱԿ-ի շրջանակային կոնվենցիայի Հարմարվողականության հիմնադրամի կողմից, իսկ «Բնապահպանական ծրագրերի իրականացման գրասենյակ» պետական հիմնարկը, որպես ազգային իրականացնող մարմին իրականացրել է Ծրագրի բաղադրիչներով նախատեսված միջոցառունները:
Ծրագրի գնահատման աշխատանքների իրականացման հիմնական նպատակն էր ուսումնասիրել և գնահատել «ՀՀ բնության հատուկ պահպանվող տարածքներին հարակից էկոհամակարգերի և համայնքների հարմարվողականության կարողությունների ամրապնդում» դրամաշնորհային ծրագրի շրջանակներում իրականացված աշխատանքների ընթացքը և արդյունքների ամփոփումը:
Կայուն Զարգացման Ներդրումային Հիմնադրամն իրականացրել է Ծրագրի անկախ վերջնական գնահատում և գնահատման փուլում առաջնորդվել է ազնվության և անաչառության սկզբունքներով, փորձելով բացահայտել ծրագրված և իրականացված աշխատանքների ծավալները, գնահատել ներդրման արդյունավետությունը, բացահայտել անհամապատասխանությունները և ներկայացնել առաջարկներ։
Գնահատման առանցքային ուղղություններն էին.
- Ծրագրի կատարման առաջընթացը,
- արդյունավետությունը, կայունությունը և ազդեցությունը,
- գենդերային հավասարությունը, սոցիալական և բնապահպանական ռիսկերը,
- ծրագրի նպատակների իրականացումը և հեռանկարները,
- իրականացված գործողությունների համապատասխանությունը ծրագրով նախատեսված ճանապարհային քարտեզին,
- իրականացված աշխատանքների համապատասխանությունը գենդերային հավասարությանը, սոցիալական և բնապահպանական ռիսկերի բացահայտմանը և մեղման միջոցառումների կիրառմանը:
Կայուն Զարգացման Ներդրումային Հիմնադրամի դիտարկումներն ու առաջարկությունները կարող են հիմք հանդիսանալ ապագա ծրագրերի նախագծման և իրականացման համար:
